सुर्खेत । नेपाली कांग्रेस सुर्खेतका सह–सचिव हरि विष्टले आफ्नो जन्मदिनको अवसरमा नेपाल पत्रकार महासंघ सुर्खेत शाखालाई अक्षय कोष स्थापनाका लागि ५१ हजार १११ रुपैयाँ प्रदान गरेका छन् । विष्टले बिहीबार महासंघका पदाधिकारीहरुलाई उक्त रकम हस्तान्तरण गरेका हुन् ।
महासंघले यस रकमबाट हरेक वर्ष सुर्खेतमा कार्यरत पत्रकारलाई (युवा पत्रकारिता पुरस्कार) बाट सम्मान गर्ने जनाएको छ ।
यस्तै सहसचिव विष्टले सुर्खेत उद्योग वाणिज्य संघलाई ‘आपतकालीन राहात कोष’ स्थापना गर्नका लागि ५१ हजार १ सय ११ रुपैयाँ प्रदान गरेका छन् ।
आगलागी लगायतका प्राकृतिक प्रकोपबाट प्रभावित व्यापारी उद्योगीलाई आपतकालीन सहयोग प्रदान गर्ने उद्देश्यले ‘आपतकालीन राहात कोष’ स्थापनाका लागि रकम प्रदान गरेका हुन् ।
फरकबाटो २२ पुष २०७८, बिहीबार २०:४२