चुनावमा तालमेल गर्ने नगर्ने विषयमा चैतको दोस्रो साता बैठक बसेर निर्णय गछौँ : महामन्त्री थापा

सुर्खेत ।  नेपाली काँग्रेसका महामन्त्री गगन कुमार थापाले गठबन्धनबिच चुनावी तालमेल गर्ने विषयमा अहिले नै निश्चित नभएको बताएका छन् । आइतबार वीरेन्द्रनगरमा आयोजना गरिएको पत्रकार सम्मेलनमा उनले गठबन्धनमा रहेका दलहरुले चुनावी तालमेल हुन्छ भनेर भन्दैमा नहुँने  बताए ।

उनले अहिले काँग्रेसले चुनावी अभियान संचालन गरिरहेको भन्दै तल्लो तहको कमिटी र नेताहरुको रायका आधारमा पार्टीको केन्द्रीय कमिटीले निर्णय गर्ने जानकारी दिए । उनले भने,  ‘पार्टीका तल्लो तहको कमिटी र नेताहरुको मनोविज्ञानका आधारमा काँग्रेस एक्लै चुनाव लड्नुपर्छ भन्ने पनि छ । स्थानीय तहको चुनाव भएकाले स्थानीय तहका कुराहरु सुनेर पार्टीले निर्णय गर्छ । गठबन्धनसँग तालमेल गर्ने कि नगर्ने भनेर चैत्रको दोस्रो साता  बैठक बसेर निर्णय गछौँ ।’