काठमाडौं । सत्तारूढ दलहरुको उच्चस्तरीय राजनीतिक समन्वय समितिको बैठकले स्थानीय तहको निर्वाचनका लागि कानुनविद्हरुसँग छलफल गर्ने निर्णय गरेको छ ।
शुक्रबार बसेको प्रधानमन्त्री निवास बालुवाटारमा बसेको समितिको बैठकले २०७४ सालमा तीन चरणमा स्थानीय तहको निर्वाचन भएकाले कुन मितिदेखि प्रतिनिधिहरूको पदावधि सुरु भएको मान्ने भन्नेबारे विज्ञहरुसँग छलफल गरेर निष्कर्ष निकाल्ने निर्णय गरेको बैठकमा सहभागी सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्र बहादुर कार्कीले जानकारी दिए ।
२०७४ सालको वैशाख ३१ गते पहिलो, असार १४ गते दोस्रो र असोज २ गते तेस्रो चरणमा निर्वाचन भएको थियो ।
यस्तै बैठकमा स्थानीय तहको निर्वाचन अघि नै प्रदेश र प्रतिनिधि सभाको निर्वाचन नगर्ने तर तीन वटै तहको एकै पटक गर्नेबारेमा पालिकाका पदाधिकारीको पदावधिबारेमा कानुनविद्हरुसँग छलफल गरेपछि निर्णय लिने सहमति भएको प्रवक्ता कार्कीले बताए ।
फरकबाटो ७ माघ २०७८, शुक्रबार २०:०२