सुर्खेत । लुम्बिनी प्रदेशका मुख्यमन्त्री डिल्लीबहादुर चौधरीले विश्वासको मत पाएका छन् । आज मङ्गलवार बसेको लुम्बिनी प्रदेश सभाको पहिलो अधिवेशनको दशौँ बैठकबाट मुख्यमन्त्री चौधरीले विश्वासको मत पाएका हुन् ।
चौधरीले आठ दलका र एक स्वतन्त्र गरी ५३ सांसदको मत पाएका हुन् भने २९ मत उनको विपक्षमा परेको छ । राष्ट्रिय प्रजातन्त्र पार्टी (राप्रपा) का चार जना सासंद भने तटस्थ रहेका थिए ।
गएको वैशाख १४ गते मुख्यमन्त्रीमा नियुक्त भएका चौधरीले पाँच दिनपछि आज विश्वासको मत लिएका हुन् । चौधरीलाई कांग्रेसका २७, माओवादीका ११, नागरिक उन्मुक्तिका चार, जनमत, जसपा र लोसपाका तीनरतीन, जनमोर्चा, नेकपा (एकीकृत समाजवादी) र स्वतन्त्र एकरएक सांसदसहित ५३ जनाको समर्थन छ । प्रदेशमा ८७ जना सांसद रहेका छन् ।
फरकबाटो १९ बैशाख २०८०, मंगलवार १६:०२