सुर्खेत । अर्घाखाँचीमा सादा पोसाकमा खटिएका प्रहरी हौँ भन्दै अभद्र व्यवहार गर्ने दुई जनालाई प्रहरीले पक्राउ गरेको छ ।
अर्घाखाँचीको भूमिकास्थान नगरपालिका ६ खिल्जीका ३५ वर्षीय बाबुराम पौडेल र मालारानी गाउँपालिका ५ बागीका २० वर्षीय दीपक केसीलाई पक्राउ गरिएको प्रहरी नायब उपरीक्षक मुकुन्द भण्डारीले जानकारी दिए ।
उनीहरूले सन्धिखर्क नगरपालिकाको बसपार्क क्षेत्रमा रक्सी खाएर त्यस वरपरका होटल तथा पसलमा प्रहरी हौँ भन्दै जाँच गर्ने गरेका थिए । साथै उनीहरूले स्थानीयवासीलाई डर देखाउँदै गालीगलौज तथा अभद्र व्यवहार गर्ने गरेको भन्ने सूचनाको आधारमा जिल्ला प्रहरी कार्यालय अर्घाखाँचीबाट खटिएको प्रहरी टोलीले पक्राउ गरेको हो ।
फरकबाटो २३ मंसिर २०७९, शुक्रबार २०:५७