सुर्खेत । नेकपा एमाले संम्बद्ध जनवर्गिय संगठनहरुले भ्रष्ट्राचारविरुद्ध विरोध र्याली निकालेका छन् । आज वीरेन्द्रनगरको मंगलगढी चौकदेखी पीपलचौतारा सम्म विरोध र्याली निकालिएको हो ।
कर्णाली प्रदेशका विभिन्न जनवर्गिय संगठन नेपाल उत्पीडित जातीय मुक्ति समाज, नेपाल ट्रेड युनियन महासंघ (जिफन्ट), अनेरास्ववियु, प्रेस चौतारी नेपाल लगाएतका संगठनहरुले विरोध र्याली निकालेका हुन् ।
विरोध र्यालीपछि पीपलचौतारामा आयोजना गरिएको कोणसभामा बोल्दै एमाले प्रदेश अध्यक्ष विनोदकुमार शाहले ५ दलिय गठवन्धनले देशलाई गम्भिर आर्थिक संकटमा धकेलेको बताए । शाहले ५ दलिय गठवन्धन देशका लागि नभई सत्ताको लागि बनाइएको आरोप समेत लगाए ।
‘देश विस्तारै आर्थिक संकटतर्फ धकेलिदै गएको छ, दैनिक उपभोग्य सामाग्रीहरुको मूल्यले आकाश छोएको छ ।’ शाहले भने, ‘जनताको दैनिकी कष्टकर हुँदै गएका बेला यो सरकारले बिचौलियालाई मौलाउन प्रसय दिई रहेको छ ।’
दैनिक उपभोग्य बस्तुहरुको मुल्य आकाशीयको भन्दै उनले वर्तमान सरकारले राष्ट्रघाती एमसीसी जस्ता सम्झौता गरेर देशलाई दुर्घटनातर्फ धकेलेको सुनाए ।
फरकबाटो २८ श्रावण २०७९, शनिबार १९:२४