सुर्खेत । कर्णाली प्रदेशमा करिब ३० हजार मतदाता थपिएका छन् । स्थानिय तहको निर्वाचनपछि कर्णालीका करिब ३० हजार मतदाता थपिएका हुन् । सरकारले आउदो मङ्सिर ४ गते प्रदेश सभा र प्रतिनिधि सभा निर्वाचनको मिति तोकि सकेको छ । कर्णालीका १० वटै जिल्लामा गरी करिब ३० हजार नयाँ मतदाता थपिएको निर्वाचन कार्यालयले जानकारी दिएको छ ।
प्रदेशमा २०७९ बैशाख ३० गते भएको स्थानीय तहको निर्वाचनमा ९ लाख आठ हजार ६ सय ३१ जना मतदाताको संख्या रहेको थियो ।
निर्वाचन आयोगका अनुसार तीमध्ये महिला मतदाताको संख्या चार लाख ४९ हजार ३० रहदा पुरुष मतदाताको संख्या चार लाख ५९ हजार ६ सय एक रहेको थियो । गएको निर्वाचनयता कर्णालीका सबै जिल्लामा मतदाताको संख्या उल्लेख्य रूपमा बढेको छ ।
असार र साउन महिनाको अवधीमा मात्रै प्रदेशमा ९ हजार २ सय ४५ मतदाता थपिएको प्रदेश निर्वाचन कार्यालयका निर्वाचन अधिकारी दुर्गा प्रसाद चालिसेले जानकारी दिए ।
पाँच जिल्लामा १७ हजार ६ सय ३३ जना मतदाता थपिएका छन भने अन्य पाँच जिल्लाको तथ्याङ्क संकलन भइरहेको जिल्ला निर्वाचन कार्यालयहरुले जनाएका छन । गत बैशाखमा भएको निर्वाचमा सुुर्खेतमा दुई लाख १८ हजार ४३ मतदाता थिए ।
सल्यानमा गएको निर्वाचनमा एक लाख ४० हजार ६ सय ६७ रहेकोमा त्यसयता, जिल्लामा २५ सय मतदाता थपीएको जिल्ला निर्वाचन आयोग कार्यालय सल्यानले गरेको छ ।
यसअघि स्थानीय तहको निर्वाचनमा जाजरकोटमा एक लाख ३ हजार आठ सय ६९ मतदाताको संख्या रहेकोमा, त्यसयता थप जिल्लामा १२ सय ८८ मतदाता थपिएका जिल्ला निर्वाचन कार्यालय जाजरकोटका निर्वाचन अधिकारी नृपराज उपाध्यायले बताएका छन ।
बैशाखमा भएको स्थानीय तहको निर्वाचनमा जुम्लामा ६७ हजार ७ सय ४४ रसहेकोमा त्यसमा थप ३ हजार मतदाता थपिने जिल्ला निर्वाचन कार्यालय जुम्लाले जनाएको छ ।
डोल्पामा यसअघि स्थानीय तहको निर्वाचनमा २२ हजार ४ सय ४० मतदाता रहेकोमा दुई महिनामा डोल्पामा ४ सय मतदाता थपिने जिल्ला निर्वाचन कार्यालयका डोल्पाले जानकारी दिएको ।
यस्तै, मुगुमा पनि यसअघि स्थानीय तहको निर्वाचनमा ३५ हजार ९९ मतदाता रहेकोमा हाल थप १२ सय मतदाता थपिने जिल्ला निर्वाचन कार्यालय मुगुले आकलन गरेको जिल्ला निर्वाचन अधिकारी विष्णु प्रसाद न्यौपाने बताए ।
फरकबाटो २२ श्रावण २०७९, आईतवार १२:३६