सुर्खेत । सुर्खेतमा नुहाउने क्रममा भेरी नदीमा तीन जना बालबालिका बेपत्ता भएका छन् । नुहाउने क्रममा आज शनिबार दुई बालिका र एक जना बालक बेपत्ता भएका जिल्ला प्रहरी कार्यालय सुर्खेतले जानकारी दिएको छ ।
कार्यालयका प्रवक्ता डिएसपी रामप्रसाद घर्तीले भेरीगंगा नगरपालिका वडा नं १३ का १२ वर्षीय गंगा खड्का, सोही ठाउँका १२ वर्षीय कृष्णा सिंजाली र लेकवेशी नगरपालिका वडा नं ५ का ८ वर्षीय दिनेश बुढा भेरी नदीमा नुहाउने क्रममा वेपत्ता भएको जानकारी दिए ।
उनका अनुसार आज शनिबार साँझ पाँच बजेतिर भेरीगंगा नगरपालिका वडा नं ११ रामघाट स्थित भेरी नदीमा नुहाउने क्रममा बालबालिका बेपत्ता भएका हुन् ।
फरकबाटो २८ फाल्गुन २०७८, शनिबार १९:०१