काठमाडौं । सरकारले ‘बुस्टर’ डोज खोप अभियान स्थगित गरेको छ । जेष्ठ नागरिक र दीर्घरोगीलाई बुस्टर डोज दिने निर्णय गरे पनि खोप नलिएकालाई पूर्ण मात्रा दिन यो अभियान तत्काललाई स्थगित गरेको स्वास्थ्य मन्त्रालयका प्रवक्ता डा. संगीता कौशल मिश्राले जानकारी दिए ।
‘सबै नागरिकलाई कोभिड–१९ विरुद्धको पूरा मात्रा खोप चाँडै उपलब्ध गराउन महत्वपूर्ण भएकाले राष्ट्रिय खोप अभियान द्रुत गतिमा सञ्चालन गर्न आवश्यक छ । त्यसैले थप प्राविधिक विषयहरु छलफल तथा तयारी गरी आगामी माघ महिनादेखि यस विषयमा जानकारी गराउने व्यहोरा सबैमा हार्दिक अनुरोध छ,’ प्रवक्ता मिश्राद्वारा जारी विज्ञप्तिमा भनिएको छ।
फरकबाटो २० पुष २०७८, मंगलवार १९:०४