सुर्खेत । रुकुम पश्चिमको मुसिकोटमा बाढीले बगाउँदा दुई जनाको मृत्यु भएको छ । मुसिकोट नगरपालिका वडा नम्बर ६ र ७ को सिमानामा पर्ने रम्मा खोलाको बाढीले बगाउँदा अन्दाजी २० वर्षीया निर्मला केसी थापा र अन्दाजी ५० वर्षीय सर्जन पुनको मृत्यु भएको छ ।
जिल्ला प्रहरी कार्यालय रुकुम पश्चिमका डीएसपी नवराज पोख्रेलका अनुसार हिजो बेलुकी मोटरसाइकल चढेर खोला तर्दै गर्दा उनीहरूलाई बगाएको हो । उनीहरूको शव आज बिहान भेटिएको प्रहरीले जनाएको छ ।
फरकबाटो २३ भाद्र २०८१, सोमबार १२:२१