सुर्खेत । पर्सा प्रहरी कार्यालयले वीरगञ्जबाट नक्कली मतपत्र र स्वस्तिक छापसहित दुई जनालाई पक्राउ गरेको छ । हिजोराति वीरगञ्जको सीमानाकामा गाडीमा जाँच गर्दा बागमती प्रदेश ०१–०२५ च ६६३६ नम्बरको कारबाट १० हजार थान नक्कली मतपत्र र दुई सय ५० थान स्वस्तिक छाप तथा नगद दुई लाख ५० हजारसहित दुई जना पक्राउ परेका हुन् ।
पक्राउ पर्नेमा बाराको कलैया महानगरपालिका वडा नम्बर १८ का २३ वर्षिय अमिरी राउत कुर्मी र वीरगञ्ज नगरपालिका वडा नम्बर १६ का ३३ वर्षिय राजन सिंह रहेको पर्सा प्रहरीले जनाएको छ ।
प्रहरीका अनुसार बरामद गरेको नक्कली मतपत्र तथा स्वस्तिक छाप मुख्य निर्वाचन अधिकृतको कार्यालयमा बुझाइसकेको र, यसबारे थप अनुसन्धान भइरहेको पनि प्रहरीले जनाएको छ ।
फरकबाटो २ मंसिर २०७९, शुक्रबार १३:३२