सुर्खेत । हिँउमा कठ्याग्रिएर डोल्पामा एकजनाको मृत्यु भएको छ । ठुलीभेरी नगरपालिका वडा नं ९ जुफालका ४६ वर्षीय कर्णबहादुर डाँगीको मृत्यु भएको कर्णाली प्रदेश प्रहरी कार्यालय सुर्खेतले जानकारी दिएको छ ।
गत १० गते २ जना विदेशी नागरिक सहित ७ जनाको टोली डोल्पाको सदरमुकाम दुनैबाट कागकोट हुँदै तिन्जे पुगेर सदरमुकामतर्फ फर्कने क्रममा हिजो करिब साढे ४ बजे उनको मृत्यु भएको हो ।
डोल्पोबुद्ध गाउँपालिका ३ छोइला लेकमा अत्याधिक परेको हिमपातमा कठ्याग्रिएर उनको मृत्यु भएको प्रहरीले जानकारी दिएको छ । उनको शव घटनास्थलमै रहेको प्रहरीले बताएको छ । डांगी भरीयाको रुपमा काम गर्दै आएका थिए ।
उनको मृत्यु भएको खबर भान्से काम गर्ने ईलाम नगरपालिका वडा नं ४ का पदमबहादुर राईले अस्थाई प्रहरी पोष्ट ताक्सीलाई खबर गरेको प्रदेश प्रहरी कार्यालयले बताएको छ ।
फरकबाटो २२ आश्विन २०७९, शनिबार ११:४७