आन्दोलनरत कानुन व्यवसायीको धर्ना छल्दै प्रधानन्यायाधीश चोलेन्द्र शम्शेर जबरा सर्वोच्च अदालत प्रवेश गरेका छन् ।
महान्यायाधिवक्ता कार्यालय नजिकको गेटबाट उनी सर्वोच्च प्रवेश गरेका हुन् । उनलाई आज सर्वोच्चमा प्रवेश गर्न नदिने भन्दै कानुन व्यवसायीहरुले बिहान १० बजेदेखि नै मूल गेटमा धर्ना दिएका थिए । तर धर्ना छल्दै प्रधानन्यायाधीश जबरा सर्वोच्च प्रवेश गरेको छन् ।
सर्वोच्च आसपासमा बिहानैदेखि सुरक्षा व्यवस्था कडा पारिएको छ । यसअघि बिहान कानुन व्यवसायीको विरोध प्रदर्शनमा झडप समेत भएको थियो । सर्वोच्च अदालत अगाडि आन्दोलनरत पक्ष र विपक्षका कानुन व्यवसायीहरुबीच झडप भएको हो ।
झडपपछि केहीलाई प्रहरीले पक्राउ गरेको छ ।
फरकबाटो २६ कार्तिक २०७८, शुक्रबार १३:१९