सल्यान । सल्यानमा जग्गा लेनदेनको विषयलाई लिएर दाईले भाई र बुहारीलाई एसिड प्रहार गरेका छन् । दार्मा गाउँपालिका–३ चम्फुटाकुराका बेचे रावत र भिमबहादुर रावतबीच जग्गा लेनदेनको विषयमा आपसी झगडा भएको थियो । झगडा पछि दाई बेचेले माधक पदार्थ सेवनगरी सोमबार बेलुका साढे सात बजेको समयमा दाई बेचेले भाई भिमबहादुर र बुहारी दीपा रावतलाई एसिड प्रहार गरेको प्रहरीले जनाएको छ ।
पसलमा बसीरहेको भाई भिमबहादुर रावत र उनको श्रीमती दिपा रावतलाई एसिड छ्याप्ने क्रममा ३२ वर्षीया एक अर्का व्यक्तिको शरीरमा समेत पर्न गई घाइते भएको प्रहरीको भनाई रहेको छ।
यस्तै, तीनै जनाको अनुहार लगायत शरीरको विभिन्न भागमा एसिड पर्ने गएर पोलिएको र उनीहरुको उपचार श्रीनगर सल्यानमा भईरहेको प्रहरीको भनाई रहेको छ ।
ईलाका प्रहरी कार्यालय दार्मा, सल्यानले एसिड छ्याप्ने बेचे रावतलाई नियण्त्रणमा लिई सात दिनका लागि म्याद थप गरेको छ ।
फरकबाटो ३१ श्रावण २०७९, मंगलवार १९:१२