सुर्खेत वीरेन्द्रनगर नगरपालिका–४ भैरवस्थानमा मुख्य कार्यालय रहेको पिपलबोट बचत तथा ऋण सहकारी संस्थाले आफ्नो संस्थाको २०औं बार्षिक उत्सवको अवसरमा विविध कार्यक्रम गरेको छ ।
वीरेन्द्रनगर ४ मा रहेको साझा घर नेपालमा रहेका बालबालिकालाई शैक्षिक सामाग्री तथा फलफुल बितरण गरेको छ । संस्थाले साझाघर नेपालको कार्यालयमा गई साझा घर नेपालमा रहेका ५४ जना अभिभावक बिहिन बालबालिकालाई शैक्षिक सामाग्री तथा फलफुल बितरण कार्यक्रममा सम्पन्न गरेको हो । संस्थाले हरेक बर्ष आफ्नो बार्षिक उत्सवको अवसर पारेर समुदायमा आधारित कार्यक्रम आयोजना गर्दै आईरहेको छ ।
त्यसैगरी संस्थाले स्थापना दिवसकै अवसर पारेर वीरेन्द्रनगर ४ का जनप्रतिनिधी, टोल विकास संस्थाका प्रतिनिधिलगायतको उपस्थितमा वीरेन्द्रनगरको रातोपुल हुदै कालुचोकसम्म सरसफाई कार्यक्रम गर्नुका साथै दिपावली कार्यक्रम गरेको छ । उद्घाटन कार्यक्रममा वडा नं ४ का वडा अध्यक्ष शेर बहादुर केसीलगायतको सहभागिता रहेको थियो । सरसफाई कार्यक्रमा बोल्दै संस्थाका कोषाध्यक्ष खेमराज रावतले अहिले आर्थिक क्षेत्रमा तरलता अभाव बढ्न सक्ने भएकोले संस्थाको कारोबारमा आबद्ध शेयर सदस्यहरुलाई बचत संकलनमा जोड दिन आग्रह समेत गरे ।
वीरेन्द्रनगर कार्यक्षेत्र बनाई वित्तीय कारोबार गर्दै आईरहेको सो संस्थाको हालसम्म आईपुग्दा शेयरपुँजी १ करोड ८४ लाख, बचत संकलन ११ करोड, ऋण लगानी १३ करोड ५० लाख,संस्थागत पुँजी १ करोड ४१ लाख र संस्थाको कुल वासलात १६ करोड ६५ लाख रहेको जानकारी दिए । संस्थामा हालसम्म दुई हजार ५५९ भन्दा बढी सदस्यहरु आबद्ध रहेका छन् ।
फरकबाटो ४ असार २०७९, शनिबार १४:३६