काठमाण्डौ । विवेकशील साझा पार्टीका अध्यक्ष रविन्द्र मिश्रले पदबाट राजीनामा दिएका छन् । पालिका चुनाव २०७९ मा सोचेअनुसार परिणाम ल्याउन नसकेको भन्दै आफूले राजीनामा दिएको उनले बताए । मिश्रले आफ्नो फेसबुक पेजमा स्टाटस शेयर गर्दै यसबारे जानकारी गराएका हुन् ।
‘हाम्रा उम्मेदवारहरू इमानदार र सक्षम हुँदाहुँदै राम्रो नतिजा हासिल गर्न नसक्नुको जिम्मेवारी पार्टी नेताका रूपमा मैले लिनुपर्छुु उनले लेखेका छन्, ‘निर्वाचनमा जस्तो परिणाम आयो त्यसको सम्पूर्ण जिम्मेवारी लिँदै पार्टी अध्यक्षको पदबाट नैतिकताको आधारमा आजकै मितिबाट राजीनामा दिएको जानकारी गराउन चाहन्छु ।’ उनले आफू पार्टीको साधारण सदस्य भने रहिरहने बताएका छन् ।
फरकबाटो ११ जेष्ठ २०७९, बुधबार १४:४६