सिमकोट । हुम्लाको चंखेली गाउँपालिका वडा नम्बर २ कामहादेव मावि मतदान केन्द्रमा बुधबार मतदान हुने भएको छ। शुक्रबार स्थगित भएको निर्वाचन बुधबार हुने हुम्लाका मुख्य निर्वाचन अधिकृत जगतबहादुर पौडेलले जानकारी दिए।
वैशाख ३० गते आधाभन्दा बढी मतदाताले मत खसाल्न नपाएको भन्दै उजूरी परेपछि आयोगले उक्त मतदान केन्द्रमा पुनः मतदान गराउन लागेको पौडेलले बताए।
भोलि बिहान ७ बजेदेखि साँझ ५ बजेसम्मका लागि मतदानको समय तोकिएको छ। मतदानका लागि कर्मचारी र मतपत्र पठाइसकेको पौडेलले जानकारी दिए। निर्वाचनका लागि सुरक्षा व्यवस्था कडा पारिएको छ। उक्त मतदान केन्द्रमा ९०३ मतदाता रहेकोमा ३९० मत मात्रै खसेको थियो।
फरकबाटो ३ जेष्ठ २०७९, मंगलवार १४:११