एजेन्सी । अमेरिकी राष्ट्रपति जो बाइडेनले संसारभरका मानिसको प्रार्थना युक्रेनका नागरिकका लागि भएको बताएका छन् । उनले युक्रेनमाथि सैन्य कारबाहीको घोषणा गरेर रुसी राष्ट्रपति भ्लादिमिर पुटिनले अन्यायपूर्ण कदमको मूल्य चुकाउनु पर्ने बताएका छन् ।
यो आक्रमणबाट हुने क्षतिको एक्लो जिम्मेवार रूस हुने पनि उनले बताएका बीबीसीले जनाएको छ । संयुक्त राज्य अमेरिका र यसका मित्र राष्ट्रले एकताबद्ध र निर्णायक तरिकाले यसको जवाफ दिने पनि उनको भनाइ छ ।
पूर्वी युक्रेनमा रुसी राष्ट्रपति भ्लादिमिर पुटिनले सैन्य कारबाहीको घोषणा गरेपछि त्यहाँका विभिन्न भागमा विस्फोट भएको बीबीसीले उल्लेख गरेको छ ।
फरकबाटो १२ फाल्गुन २०७८, बिहीबार ११:२१