धनगढी । ’प्रधानमन्त्री कप महिला टी–२० क्रिकेट प्रतियोगिता’ अन्तर्गत आज भएको दोस्रो खेलमा वाग्मती प्रदेशले कर्णाली प्रदेशलाई ७९ रनले हराएको छ ।
धनगढीको फाप्लुमा वाग्मतीले दिएको एक सय ३१ रनको लक्ष्य पछ्याएको कर्णाली ५१ रनमा अलआउट भयो । कर्णालीका लागि लक्ष्मी रिमालबाहेक अरू कसैले पनि दोहोरो अङ्कमा रन बनाउन सकेनन् । बलिङतर्फ वाग्मतीकी विपिसा शाहीले तीन विकेट लिइन् । यसअघि पहिले ब्याटिङ गरेको वाग्मतीले कञ्चन श्रेष्ठको अविजित ४७ रन मद्दतमा एक सय ३० रन बनाएको थियो ।
वाग्मती र कर्णाली प्रतियोगिताबाट बाहिरिसकेका छन् ।
फरकबाटो ६ पुष २०७८, मंगलवार १८:५४