सुर्खेत । जुम्लाको पातारासी गाउँपालिका–४ मा रहेको लुमस्थित जवा नदीको काठेपुल तर्ने क्रममा खसेर मोटरसाइकल चालक बेपत्ताका भएका छन् । सोही गाउँपालिका–७ रिनी निवासी २८ वर्षीय हरिकृष्ण बुढा बेपत्ताको जिल्ला प्रहरी कार्यालय जुम्लाले जानकारी दिएको छ ।
गाउँपालिकाको लासी बजारबाट तल्फी जाने क्रममा क १ प १८२० नम्बरको मोटरसाइकल नदीमा खसेको जानकारी आएपछि उद्धारका लागि प्रहरी घटनास्थलमा खटिएको थियो ।
मोटरसाइकलमा सवार यात्रु पातारासी गाउँपालिका–७ रिनीका का २७ वर्षीय जयबहादुर खड्कालाई उद्धार गरिएको समेत प्रहरीले जनाएको छ । बेपत्ता चालकको खोजी कार्य भइरहेको प्रहरीले जनाएको छ ।
फरकबाटो १२ भाद्र २०८१, बिहीबार १५:३२