सुर्खेत । पाकिस्तानका पूर्वप्रधानमन्त्री नवाज शरीफकी छोरी मरियम नवाज पन्जाबको मुख्यमन्त्रीमा निर्वाचित भएकी छन् । ५० वर्षकी मरियम नवाज पाकिस्तानकै पहिलो महिला मुख्यमन्त्री बनेकी हुन् ।
पूर्वप्रधानमन्त्री इमरान खान समर्थित सुन्नी इत्तेहाद काउन्सिलका राना अयुबलाई हराउँदै मरियम नवाज मुख्यमन्त्री बनेकी हुन् । पन्जाबमा नवाज शरीफको पार्टी पाकिस्तान मुस्लिम लिग (पीएमएल–एन) को एकल बहुमत छ ।
गत फेब्रुअरी ८ मा भएको आमचुनावमा सङ्घीय सरकारका लागि कुनै पनि दलको बहुमत नपुगेपछि पूर्वप्रधानमन्त्री नवाज शरीफ नेतृत्वको पीएमएल–एनले छ दलीय गठबन्धनमा नयाँ सरकार बनाउने भएको छ । पूर्वप्रधानमन्त्री नवाज शरीफका भाइ शहबाज शरीफ प्रधानमन्त्री बन्दै छन् । प्रधानमन्त्री पदका लागि फेब्रुअरीको अन्तिमसम्म संसदमा चुनाव हुनेछ ।
फरकबाटो १४ फाल्गुन २०८०, सोमबार १९:३७