सुर्खेत । सुर्खेतबाट कालीकोट जाँदै गरेको बस कर्णाली राजमार्गअन्तर्गत दैलेखको पालेतडामा दुर्घटना भएको छ ।
कर्णाली प्रदेश ०२०००१ ख ०१६६ नम्बरको गाडी पालेतडामा दुर्घटना हुँदा सात जना यात्रु घाइते भएका जिल्ला प्रहरी कार्यालय दैलेखले जानकारी दिएको छ । घाइतेहरूको पालेतडाको निजी मेडिकलमा उपचार भइरहेको उनले बताएका छन् । घाइतेमध्ये दुई जनालाई थप उपचारका लागि सुर्खेत पठाइएको छ ।
विपरीत दिशाबाट आउँदै गरेको ट्रकलाई साइड दिन लाग्दा बस सडकबाट खसेको प्रहरीले जनाएको छ । बस सडकबाट खसेर कर्णाली नदीको किनारमा अड्किएको छ ।
फरकबाटो १७ माघ २०७९, मंगलवार २१:२३