सुर्खेत । ब्राउन सुगर सहित पाँच जना पक्राउ परेका छन् । सुब्बाकुना स्थित प्रहरी चौकीबाट खटिएका प्रहरी टोलीले नेपालगञ्जबाट सुर्खेत तर्फ आउँदै गरेको बा १७ च ७९६९ नं. को स्कार्पियो गाडीलाई चेकजाँच गर्ने क्रममा ब्राउन सुगर सहित पाँच जनालाई पक्राउ गरेको हो ।
पक्राउ पर्नेमा वीरेन्द्रनगर ११ बस्ने बर्ष ३० का गंगे सुनार, ३९ वर्षिय दिपक ढकाल, ३० वर्षिय नविन वक्स, दैलेखको डुङ्गेश्चर गाउपालिका वडा नं. ३ घर भई हाल वीरेन्द्रनगर १० मा बस्ने बर्ष १७ का लोचन रावल रहेका छन् । उनीहरुको साथबाट नापतौल नगरेको २ पुरिया लागुऔषध (ब्राउन सुगर) फेला परेको प्रदेश प्रहरीले जनाएको छ ।
प्रहरीका अनुसार पाँचै जनालाई आवश्यक अनुसन्धनाको लागि जिल्ला प्रहरी कार्यालय सुर्खेत राखि आवश्यक अनुसन्धान भइरहेको छ ।
फरकबाटो ५ कार्तिक २०७९, शनिबार १२:५५