काठमाण्डाै । दुई दिनसम्म उच्च अङ्कले घटेको शेयर बजार आज मङ्गलवार सामान्य बढेको छ । शेयर बजार परिसूचक नेप्से आज ११ दशमलव ६८ अङ्कले बढेर एक हजार नाै सय २७ दशमलव २८ विन्दुमा पुगेको छ ।
आज सबै समूहको शेयर सामान्य बढेको छ । दुई सय २६ वटा कम्पनीका ४९ लाख ६७ हजार कित्ता शेयर एक अर्ब ७० करोड ७७ लाख रुपैयाँमा कारोबार भएका छन् । सबैभन्दा धेरै अरुण काबेली हाइड्रोको सात करोड ९५ लाख तथा गुर्खाज फाइनान्स र शिवम् सिमेन्टको झन्डै साढे सात करोड रुपैयाँका दरले शेयर किनबेच भएको छ ।
आज सप्तकोशी विकास बैंकको शेयर झन्डै साढे नाै प्रतिशतले बढेको छ । समग्रमा बजार बढे पनि नयाँ सारथी लघुवित्तको शेयर साढे चार प्रतिशतले घटेको छ ।
फरकबाटो २८ असार २०७९, मंगलवार १६:०५