काठमाडौं । नेपाल र जिम्बाब्बे ए टिमबीचको अन्तिम टी–२० खेलमा नेपाल ८ विकेटले विजयी भएको छ ।
यससँगै तीन टी\२० खेलको सिरिज १÷१ को बराबरी भएको छ । पहिलो खेल जिम्बाब्बे ए ले जितेको थियो भने दोस्रो खेल वर्षाका कारण स्थगित भएको थियो ।
बुधबार भएको अन्तिम खेलमा त्रिवि क्रिकेट मैदानमा जितको लागि १३७ रनको लक्ष्य पछ्याएको नेपालले १५.५ ओभरमा २ विकेट गुमाएर लक्ष्य भेट्टायो । नेपालको जितमा ओपनर ब्याटर आसिफ सेखले १३ चौका र १ छक्काको मद्दतमा अविजित ८७ रन बनाए ।
कुशल भुर्तेलले ३४, बसिर अहमदले १५ बनाए । दीपेन्द्र सिंह ऐरी भने शून्यमा अविजित रहे ।
जिम्बाब्बेका लागि ल्युक जङ्वे र बान्डन मुबर्तेले १\१ विकेट लिए ।
फरकबाटो २१ बैशाख २०७९, बुधबार १६:४७