काठमाडौं । चलचित्र ‘लप्पनछप्पन २’को ट्रेलर रिलिज भएको छ । मुकुन्द भट्टको निर्देशनमा बनेको यो चलचित्रको ट्रेलर बुधबार सार्वजनिक गरिएको हो ।
ट्रेलरमा चलचित्रका मुख्य कलाकारहरु सौगात मल्ल, अर्पण थापा, अनुपविक्रम शाही लगायतलाई देखाइएको छ । अर्पणले यो चलचित्रमा फरक भूमिका निभाएका छन् ।
‘लप्पनछप्पन २’ यही फागुन २० गतेबाट सिनेमा हलमा प्रदर्शन हुँदैछ । निर्माण सम्पन्न भएको लामो समय भएपनि कोरोना महामारीका कारण यो चलचित्रको प्रदर्शन मिति पटकपटक सारिएको थियो ।
यसअघिको फागुन १३ गतेलाई रिलिज मिति तोकेको यो चलचित्र ‘म यस्तो गीत गाउँछु २’लाई छाडेर त्यसको एक सातापछि प्रदर्शनमा आउन लागेको हो । एक्सन जनरामा निर्माण भएको यो चलचित्रलाई युरोपका विभिन्न स्थानमा छायांकन गरिएको छ ।
फरकबाटो ४ फाल्गुन २०७८, बुधबार १७:००