जुम्ला । जुम्लामा सडक अतिक्रमण गरेर बनाइएका संरचना हटाउन थालिएको छ । कर्णाली राजमार्गको जुम्ला खण्डमा सडक अतिक्रमण गरी बनाइएका घर, टहरा, होटल लगायतका संरचना भत्काउन थालिएको हो ।
डिभिजन सड्क कार्यालय जुम्लाले एक महिना पहिलेदेखि थालेको सडक सुरक्षा अभियान अन्तर्गत जुम्लामा, सडक डिभिजन, प्रहरी प्रशासन, चन्दननाथ नगरपालिका र नागरिक समाज जुटेर बल्ल अतिक्रमण हटाउन थालेका हुन् ।
सडक डिभिजन जुम्लाका प्रमुख राजिव श्रेष्ठले पहिलो चरणमा बसपार्क क्षेत्रको निर्माण सामाग्री हटाएको र सडक अतिक्रमण गरी बनाएका थप संचरना भत्काउने तयारी रहेको बताए ।
अटेरी गरे एकहप्ता भित्रै डोजर प्रयोग गरेर संरचना भत्काइने सडक डिभिजन जुम्लाका प्रमुख श्रेष्ठको भनाइ छ ।
फरकबाटो २१ पुष २०७८, बुधबार ०८:५३