भोक र प्यास मेटाउन यादहरू को चाप पठाएको हो
थाह छैन दिलभित्र त पहिले खै कसले सजाएको हो ।
एकतर्फी नजरले पूरै अनुहार पढिरह्यो म निहुरीरहेँ
मैले शीर उठाएँ नजर जुध्यो बल्ल ऊ लजाएको हो ।
घर देखायौँ गाडी देखायौ तिम्रो इमान पनि देखियो
धन छैन मसँग इज्जत त जीवनभर कमाएको हो ।
कोही आयो सजिलै टाढियो तर मन बुझाउनै सकिनँ
जीवनको यात्रामै भेटिएको हो यात्रामै हराएको हो ।
हिंसा, अमानवीय व्यवहार र भ्रष्टाचार बढ्दै गएको छ
स्कुलमा त सानैदेखि नैतिक र सामाजिक पढाएको हो ।
फरकबाटो २३ आश्विन २०७८, शनिबार १५:१५