सुर्खेत । नेकपा (माओवादी केन्द्र)को सबै प्रदेशमा एकै पटक सम्मेलन सूरु भएको छ ।
पार्टी अध्यक्ष पुष्पकमल दाहाल प्रचण्डले भर्चुअल माध्यमबाट प्रदेश सम्मेलनको उद्घाटन गरेका छन् । माओवादीले सात प्रदेशसहित उपत्यका विशेष, सम्पर्क समन्वय र प्रवास समिति गठन गर्ने छ ।
कर्णाली प्रदेशको सुर्खेत, प्रदेश १ को विराटनगर, प्रदेश २ को जनकपुर, बागमतीको काठमाडौं, गण्डकीको पोखरा, लुम्बिनीको भालुवाङ र सुदूरपश्चिम प्रदेशको धनगढीमा सम्मेलन सुरु भएको हो ।
विशेष र सम्पर्क समितिले अनुकुलमा सम्मेलन गर्ने बताइएको छ । प्रवास समितिको सम्मेलन भने आज नहुने भएको छ ।
सम्मेलनबाट नौ पदाधिकारीसहितको समिति चयन हुनेछ । प्रदेश समिति एक अध्यक्ष, तीन उपाध्यक्ष, एक सचिव, तीन सहसचिव र कोषाध्यक्ष एक गरी नौ सदस्यीय पदाधिकारी हुनेछन् ।
प्रदेशमा १ मा २५९, २ नम्बर प्रदेशमा २७१, बागमतीमा २७५, गण्डकीमा २२९, लुम्बिनीमा २५३, कर्णालीमा २११ र सुदूरपश्चिम प्रदेशमा २२३ सदस्यीय समिति हुनेछ । विशेष, सम्पर्क र प्रवास समिति न्यूनतम् १७५ सदस्यीय हुनेछन् ।
फरकबाटो २५ मंसिर २०७८, शनिबार १३:४०