सुर्खेत । सार्वजनिक सेवाको गुणस्तरियताको लागि गुराँस १ मा सार्वजनिक सुनुवाई कार्यक्रम सम्पन्न गरिएको छ । हिजो वडा नं १ को कार्यालय प्राङगणमा कार्यक्रम सम्पन्न भएको हो । गुराँस गाउँपालिकाको आयोजना तथा सुशासन प्रवद्र्धनका लागि युवाको सहजीकरणमा कार्यक्रम सम्पन्न भएको हो । कार्यँक्रममा करिब १ सय ४० भन्दा बढी नागरिकहरुको सहभागीता रहेको थियो ।
कार्यक्रममा आएका प्रश्नहरुको जवाफ दिँदै वडा अध्यक्ष धर्म रावलले आगामी दिनमा वडाको सेवामा सुधार आउने गरि कार्यक्रममा छलफल भएको बताए । उनले सेवाग्राहीहरुले राखेको जिज्ञासा र प्रश्नले आँफुहरुलाई सेवामा थप सुधार गर्न सहयोग गरेको बताए ।
उनले हरेक सचेत नागरिकले सामाजिक सञ्जाल भन्दा पनि यसरी नै कार्यालयले नै प्रत्यक्ष महशुष गर्नेगरी सुझाव दिनुपर्ने बताए । सार्वजनिक सुनुवाई कार्यक्रम गाउँपालिकाका सबै वडाहरुमा सञ्चालन गर्ने तयारी रहेको बताइएको छ । हरेक सार्वजनिक निकायले हरेक चार-चार महिनामा आफ्नो कार्यालयले दिने सेवा प्रवाहको विषयमा सार्वजनिक सुनुवाई गर्नुपर्ने प्रावधान रहेको छ ।
फरकबाटो १२ बैशाख २०८०, मंगलवार ११:२४