सुर्खेत । निजी क्षेत्रको पहिलो जीवन बिमा कम्पनी नेशनल लाइफ इन्स्योरेन्स कम्पनी लिमिटेडले कम्पनीका सबै शाखामार्फत क्यूआरबाटै बिमाशुल्क भुक्तानी गर्न मिल्ने व्यवस्था गरेको छ । फोन पे नेटवर्कमा आवद्ध वित्तीय संस्था ईसेवाका माध्यमबाट डायनामिक क्यूआर स्क्यान गरी आफ्नो बिमाशुल्क बुझाउन सकिने कम्पनीले व्यवस्था मिलाएको हो ।
कम्पनीको प्रमुख कार्यकारी अधिकृत सुरेश प्रसाद खत्री र ईसेवाका प्रमुख कार्यकारी अधिकृत जगदिश खड्काको उपस्थितीमा नेशनल लाइफ इन्स्योरेन्स कम्पनी लिमिटेडको लाजिम्पाटस्थित केन्द्रीय कार्यालयमा एक समारोहबीबच सो सेवा औपचारिक सुरू गरिएको छ ।
यस प्रकारको उच्चतम प्रविधिमा आधारित सेवाबाट कम्पनीका ग्राहकहरुले नगदरहित भुक्तानी गरी लाभ उठाउन सक्ने अपेक्षा कम्पनीको छ । नेशनल लाइफ इन्स्योरेन्स कम्पनी लिमिटेड ३६ वर्षदेखि जीवन बिमा व्यवसायमा छुट्टै पहिचान बनाउन सफल कम्पनी हो ।
फरकबाटो १६ फाल्गुन २०७९, मंगलवार १८:२५