इराकमा अब्दुल लतिफ रशिद नयाँ राष्ट्रपति बन्ने भएका छन् । योसँगै पछिल्लो एक वर्षदेखि इराकमा भइरहेको गतिरोध अन्त्य हुने विश्वास लिइएको छ ।
समाचार संस्था रोयटर्सका अनुसार उनले संसदमा भएको मतदानमा १ सय ६० भन्दा धेरै सांसदको समर्थन प्राप्त गरेका छन् । इराकमा सांसदको सङ्ख्या ३ सय २९ रहेको छ । उनले अहिलेका कार्यवाहक राष्ट्रपति बरहाम सालेहलाई झट्का दिनुभएको छ । सालेहले जम्मा ९९ सांसदको समर्थन पाएका छन् ।
इञ्जिनियर समेत रहेका ७८ वर्षका रशिद सन् २००३ देखि २०१० सम्म जल संशाधन मन्त्रीसमेत बनेका थिए । अब नयाँ सरकार बनाउन उनलाई १५ दिनको समय भएको खबरमा उल्लेख गरिएको छ ।
फरकबाटो २८ आश्विन २०७९, शुक्रबार ०९:५०