काठमाण्डौ । भारतीय सेना प्रमुख मनोज पाण्डे पाँच दिने औपचारिक भ्रमणका क्रममा आज नेपाल आउँदै छन् ।
नेपाली सेनाको ‘मानार्थ महारथी’ सम्मान ग्रहण गर्न उनी पाँच सदस्यीय सैन्य प्रतिनिधिमण्डलसहित नेपाल आउन लागेका हुन् । उनी नियमित कार्यक्रमअनुसार नेपाल आउन लागेका नेपाली सेनाले जनाएको छ ।
दुवै सेनाप्रमुख एक अर्को देशको मानार्थ महारथी रहने परम्पराअनुसार पाण्डे सेनाध्यक्ष भएपछि नेपाल आउन लागेका हुन् । नेपाली सेनाका प्रधानसेनापति प्रभुराम शर्माले पनि यसअघि नै नयाँ दिल्ली पुगेर मानार्थ महारथीको सम्मान ग्रहण गरेका थिए । मानार्थ महारथी सम्मान राष्ट्रपतिले प्रदान गर्ने चलन छ ।
फरकबाटो १९ भाद्र २०७९, आईतवार ११:३३