काठमाण्डौ । परराष्ट्रमन्त्री नारायण खड्का आज चीन भ्रमणमा जाँदै छन् । मन्त्री खड्का ११ सदस्यीय टोलीको नेतृत्व गर्दै चीनको तीनदिने भ्रमणमा जान लागेका हुन् ।
उनले भोलि चिनियाँ समकक्षी वाङ यीसँग चीनको सान्तोङ प्रान्तको छिङ्ताओमा भेट्ने कार्यक्रम छ । शेरबहादुर देउवाको नेतृत्वमा एक वर्षअघि सरकार गठन भएपछि पहिलोपटक चीनतर्फ उच्च तहको भ्रमण हुन लागेको हो । भ्रमणको मुख्य उद्देश्य दुई देशबीच भएका सम्झौता कार्यान्वयन र विश्वमा देखा परेको दोस्रो शीतयुद्धको संकेतकै परिस्थितिबीच निकट छिमेकीलाई विश्वासमा लिएर अघि बढ्न वातावरण बनाउने नै भएको परराष्ट्र मन्त्रालयले जनाएको छ ।
अमेरिकी सहयोग परियोजना मिलेनियम च्यालेन्ज कर्पोरेसन ९एमसीसी० सँगको सम्झौता र अमेरिकी स्टेट पार्टनरसिप प्रोग्राम ९एसपीपी० लाई लिएर चीनले नेपाललाई प्रतिक्रिया दिँदै आएको थियो । एमसीसीलाई संसद्बाट अनुमोदन गरेको नेपालले एसपीपीलाई भने अस्वीकार गर्ने निर्णय गरेको छ । एमसीसी अनुमोदन भएको एक महिना नबित्दै गएको चैतमा चीनका स्टेट काउन्सिलर तथा विदेशमन्त्री वाङ यीले नेपालको भ्रमण गरेका थिए । यस्तै, गएको असारमा चिनियाँ कम्युनिस्ट पार्टी ९सीपीसी० का विदेश विभाग प्रमुख लिउ चियानछाओले नेपालको भ्रमण गरेका थिए ।
फरकबाटो २४ श्रावण २०७९, मंगलवार ०९:३३