सुर्खेत । नेपालको सार्वजनिक ऋण बढेर २१ खर्ब ७३ अर्ब रुपैयाँ नाघेको छ । सार्वजनिक ऋण व्यवस्थापन कार्यालयका अनुसार चैत मसान्तसम्म नेपालले विभिन्न देश र दातृ निकायलाई तिर्नुपर्ने ऋण २१ खर्ब ७३ अर्ब रुपैयाँ नाघेको हो ।
चालु आर्थिक वर्षको साउनदेखि चैतसम्मको नौ महिनामा नेपालले एक खर्ब ६० अर्ब रुपैयाँ ऋण लिएको छ । यसमध्ये एक खर्ब पाँच अर्ब रुपैयाँ आन्तरिक ऋण र ५४ अर्ब ६८ करोड रुपैयाँ वैदेशिक ऋण रहेको छ ।
यस्तै सरकारले चालु आर्थिक वर्षको नौ महिनामा ऋणको साँवा र ब्याज गरेर एक खर्ब २३ अर्ब रुपैयाँ भुक्तानी गरेको छ । सरकारले आन्तरिक ऋणको साँवा फिर्ता र ब्याज तिर्न चैत मसान्तसम्म एक खर्ब दुई अर्ब रुपैयाँ र वैदेशिक ऋणको साँवा फिर्ता र ब्याज तिर्न २१ अर्ब ३६ करोड रुपैयाँ खर्च गरेको छ ।
फरकबाटो ५ बैशाख २०८०, मंगलवार १६:३३