काठमाडौं । डाक्टर आयुष्नोभा ढुंगाना ‘मिस युनिभर्स नेपाल २०२२’ को टप २० भित्र पर्न सफल भएकी छन् । ३९ प्रतिस्पर्धी रहेको प्रतियोगितामा उनी भने एक्लो डाक्टर हुन् । प्रतियोगिताको उपाधि दावेदारको रुपमा समेत उनलाई हेरिएको छ ।
गतवर्ष बंगलादेशबाट छाला रोग विषयमा एमबीबीएस गरेकी उनले मोडलिङ र डाक्टर पेसा एकसाथ अगाडि बढाइरहेकी छन् । हाल काठमाडौंमा रहेर छाला रोग सम्बन्धि सेवा दिइरहेकी उनी मिस युनिभर्स नेपाल २०२२ पछि काठमाडौंबाट केही दुर्गम ठाउँमा गएर आफ्नो सेवा दिने योजनामा छिन् ।
प्रतियोगितामा उत्कृष्ट २० पछि १० हुँदै मिस युनिभर्स नेपाल चयन हुनेछ । आगामी १९ अगष्ट चयन हुने मिस युनिभर्स नेपालमा ताज नै जित्ने लक्ष्यसहित आफू प्रस्तुत हुने आयुष्नोभाको भनाइ छ।
फरकबाटो १९ श्रावण २०७९, बिहीबार ११:४०